Қосшоқы ауылының №13 негізгі мектебі бойынша
Жалпы адамзаттық құндылықтар күніне арналған
іс-шаралардың есебі
Мектебімізде 23 қараша күні «Жалпыадамзаттық құндылықтар» күніне орай іс-шаралар жоспарға сай өткізілді. Оқушыларда жалпыадамзаттық құндылықтар туралы түсініктерді қалыптастыру,сүйіспеншілік құндылығы арқылы мәнін ашу мақсатында «Сүйіспеншілік-адамның басты қасиеті, ақиқат-оның негізі, дұрыс әрекет-оның шынайы өмірі» тақырыбында 1-9 сыныптар арасында сынып сағаттары өткізілді. С. Алпысқызының «Өмір әдебі» атты кітабынан үзінділер оқылды.Оқушыларға шығармашылық жұмыстар берілді. «Сыйластық- басты құндылық!» тақырыбында бейнеролик көрсетілді. Оқушылар жүрекшеге жазып бір-бірлеріне деген ізгі тілектерін білдірді. Адамгершілік,сүйіспеншілік, жақсылық жасау жайлы әңгімелесулер өткізілді. 5-сынып оқушылары жалпыадамзаттық құндылықтарға байланысты өз өнерлерін өлең жолдармен онлайн форматында жеткізіп, бейнеролик жасалды, тәрбиемен оқытудағы адамгершілікке бағытталған идеалдар құндылықтар деп қарастырылды.
Жалпыадамзаттық құндылықтарға 5-6 сынып оқушылары өз өлеңдерін арнаса, 7-8-9 сынып оқушылары шағын эссе жазды.
Сонымен қатар осы шара аясында «Жалпыадамзаттық құндылықтар-отбасылық тәрбиенің негізі» атты ата-аналармен онлайн семинар өтті. Семинарда ата-аналар жалпыадамзаттық құндылықтар туралы өз ойларын сұрақтар арқылы білдіріп, пікір алмасып, семинардан алған әсерлерін бөлісті.
Мектеп кітапханасында «Сүйіспеншілікке толы жүрек » атты рухани-адамгершілік тәрбиеге арналған кітаптар көрмесі ұйымдастырылды.
Іс -шаралар туралы мәліметтер мектеп сайтына, әлеуметтік желілерге жарияланды.